OLİMPİYA BAYRAĞI EVEREST ZİRVƏSİNDƏ DALĞALANIR
AZƏRTAC-ın xarici informasiya vasitələrindən aldığı xəbərə görə, beş yunan alpinisti Olimpiya bayrağını və öz ölkəsinin bayrağını dünyanın ən uca zirvəsində - Everestdə ucaltmışdır. Bu bayraqlar “dünyanın damı”na Afinada keçiriləcək Olimpiya oyunlarının şərəfinə sancılmışdır.
Bu beş alpinist Everesti fəth edən ilk Yunanıstan vətəndaşlarıdır. Dəniz səviyyəsindən 7,9 min metr hündürlükdə yerləşən axırıncı düşərgədən hündürlüyü 8,85 min metr olan zirvəyədək yürüş 9,5 saat çəkmişdir.
Bölmənin digər xəbərləri
