ÖLKƏMİZ TRANSMİLLİ LAYİHƏLƏRDƏ ETİBARLI TƏRƏFDAŞ OLDUĞUNU SÜBUT ETMİŞDİR
Dövlət Neft Şirkətindən AZƏRTAC-a bildirmişlər ki, bu il Bakı-Tbilisi-Ceyhan neft kəmərinin və Cənubi Qafqaz qaz kəmərinin istismara verilməsi Asiya ölkələri, xüsusən də Qazaxıstan və Türkmənistan üçün yeni imkanlar yaradacaqdır. Hazırda Qazaxıstan neftinin Bakı-Tbilisi-Ceyhan neft kəməri ilə dünya bazarlarına çıxarılması barədə danışıqlar aparılır. Bir sıra vacib sənədlər, o cümlədən hökumətlər arasında imzalanacaq saziş layihəsi hazırlanmışdır. Layihənin həyata keçirilməsi və yeni Trans Xəzər Sisteminin yaradılması nəticəsində Qazaxıstanın Kaşaqan yatağında olan 10-13 milyard barrel çıxarıla biləcək neft ehtiyatlarından gündə 500 min barrel bu sistem vasitəsilə Avropa bazarlarına çatdırılacaqdır. Türkmənistan və Qara dəniz regionunun digər ölkələri də bu layihəyə böyük maraq göstərirlər.
Bölmənin digər xəbərləri
