Ölüm hadisəsi törətməkdə şübhəli bilinən şəxs Azərbaycandan Gürcüstana keçmək istəyərkən saxlanılıb
Bakı, 6 mart, AZƏRTAC
Dövlət Sərhəd Xidmətinin (DSX) əməkdaşları martın 5-də “Şıxlı” dövlət sərhədindən buraxılış məntəqəsində Azərbaycan Respublikasından Gürcüstana keçmək istəyən naməlum şəxsi saxlayıblar.
DSX-nin mətbuat mərkəzindən AZƏRTAC-a bildiriblər ki, Xidmətin əməkdaşları saxlanılan şəxsi Daxili İşlər Nazirliyinin Tovuz Rayon Polis Şöbəsinə təhvil veriblər. Həmin şəxsin 2017-ci ildə ölüm hadisəsi törətməkdə şübhəli bilindiyinə görə barəsində axtarış elan olunmuş Rusiya vətəndaşı, 1983-cü il təvəllüdlü Mamedov İntiqam Novruz oğlu olduğu müəyyənləşib.
Bölmənin digər xəbərləri
