OMBUDSMAN APARATININ ƏMƏKDAŞLARI 1 SAYLI UŞAQ EVİNDƏ OLMUŞLAR

01.02.2004 [18:36]
Çap et
A⁺ A^-

Azərbaycan Respublıkasının insan hüquqları üzrə müvəkkili (ombudsman) aparatının əməkdaşları şəhərimizdəki 1 saylı uşaq evinə gedərək sakinlərlə görüşmüşlər.

Ombudsman aparatından AZƏRTAC-a bildirmişlər ki, Qurban bayramı münasibətilə uşaqları təbrik etmiş, onlara xoş arzularını bildirmişlər. Ölkəmizdə böyüyən nəslə, xüsusilə valideyn himayəsindən mərhum uşaqlara dövlət qayğısından, Respublika Prezidenti cənab İlham Əliyevin böyük diqqətindən söz açmışlar.

Onlar uşaq evinin ayrı-ayrı qruplarını gəzmiş, sakinlərin yaşayış, məişət şəraiti, qidalanması ilə maraqlanmış, tibb məntəqəsinə, yataq və məşğələ otaqlarına baxmışlar.`

Bayram münasibətilə keçirilən şənlikdə uşaqlar şerlər söyləmiş, mahnılar oxumuşlar.

Görüşün sonunda kimsəsiz və valideyn himayəsindən məhrum uşaqlara ombudsmanın göndərdiyi sovqatlar paylanmışdır.