OPEK ÖLKƏLƏRİ NEFT HASİLATINI GÜNDƏ 1 MİLYON BARREL AZALTMAQ QƏRARINA GƏLMİŞLƏR
AZƏRTAC-ın İTAR-TASS Agentliyindən aldığı xəbərə görə, Neft İxrac Edən Ölkələr Təşkilatı (OPEK) neft hasilatının həcmini gündə 1 milyon barrel azaltmaq məsələsində razılığa gəlmişlər. Bunu oktyabrın 11-də OPEK Konfransının sədri, Nigeriyanın dövlət neft ehtiyatları naziri Edmund Daukoru bildirmişdir.
O demişdir ki, əldə edilmiş razılaşma OPEK ölkələri nümayəndələrinin həmin problemə dair xüsusi görüşünün keçirilməsi zərurətini aradan qaldırır.
Neft hasilatının həcmini azaltmaqdan məqsəd son günlər dünya bazarlarında neftin qiymətinin durmadan enməsinin qarşısını almaqdır.
Bölmənin digər xəbərləri
