Oriol İlla: Mənzil hüququnun təmin edilməsi istiqamətində qlobal metropolitan gündəliyini dəstəkləyirik
Bakı, 22 may, AZƏRTAC
WUF13-ün məqsədi mənzil hüququ ilə bağlı BMT qətnaməsinin qəbul edilməsinə nail olmaqdır. İlk növbədə qeyd etməliyəm ki, bu hüququn təmin olunması üçün böyük şəhər (metropolitan) miqyasının nəzərə alınması mütləqdir. Çünki böyük şəhər müstəvisi bir reallıqdır və şəhərlərin funksionallığı məhz bu prinsiplə tənzimlənir.
AZƏRTAC xəbər verir ki, bu fikirləri Ümumdünya Şəhərsalma Forumunun 13-cü Sessiyası (WUF13) çərçivəsində "XXI əsrdə azadlıq üçün Mənzil ərazi Paktı, Metropolitanların mənzil hüququ ilə bağlı BMT Qətnaməsinə doğru" adlı sessiya zamanı Barselona Metropolitanının beynəlxalq və metropolitan rəqəmsal sahəsi üzrə direktoru Oriol İlla səsləndirib.
O, İqtisadi Əməkdaşlıq və İnkişaf Təşkilatının məlumatlarına istinad edərək diqqətə çatdırıb ki, dünyadakı iri şəhər ərazilərinin yalnız 18 faizi müvafiq idarəetmə formasına, yaxud əhaliyə ictimai xidmətlərin göstərilməsini nizamlayacaq hər hansı mexanizmə malikdir. Bu baxımdan, mənzil təminatı mütləq şəkildə böyük şəhər miqyası nəzərə alınmaqla planlaşdırılmalıdır. Məhz bu səbəbdən mənzil hüququnun təmin edilməsi istiqamətində qlobal metropolitan gündəliyini dəstəkləyirik.
Fotoqraf Nicat Əlili
Bölmənin digər xəbərləri
