Orxan Məmmədov: Qadın sahibkarların məşğulluqda payının artırılmasına çalışırıq
Bakı, 14 dekabr, AZƏRTAC
Qadın sahibkarların məşğulluqda payının artırılmasına çalışırıq. Bunun üçün müxtəlif dəstək paketləri təqdim olunur.
AZƏRTAC xəbər verir ki, bunu Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Milli Məclisdə dekabrın 14-də “Qanunvericilikdə qadın sahibkarlığı: imkan və perspektivlər” mövzusunda keçirilən ictimai dinləmələr zamanı deyib.
KOBİA-nın rəhbəri qeyd edib ki, bu ilin oktyabr ayında sahibkar təşkilatları ilə birlikdə mühüm layihəyə start verilib. Layihənin əsas məqsədi qadın sahibkarlığının inkişafı, onun işgüzar fəaliyyətinin artırılmasıdır.
“Qadın sahibkarlığının inkişafı Qarabağ İqtisadi Zonasında aparılan quruculuq işlərinə töhfə verəcək. Qadın sahibkarlara təklif olunan biznes layihələrindən 29-u ticarət, 12-si sənaye, 4-ü turizm sahələrini əhatə edir”, - deyə Orxan Məmmədov diqqətə çatdırıb.
Bölmənin digər xəbərləri
