Ötən il Avstriyadakı dağlarda 85 alman turist həlak olub
Berlin, 10 aprel, AZƏRTAC
Ötən il Avstriya ərazisindəki dağlarda 85 Almaniya vətəndaşı həlak olub.
AZƏRTAC “Spiegel” qəzetinə istinadla xəbər verir ki, Avstriya Alp Təhlükəsizliyi Qurumunun (ÖKAS) açıqladığı illik hesabatda ötən il bu ölkədəki dağlarda ümumilikdə 309 nəfərin həlak olduğu qeyd edilib. Həmin şəxslər dağlarda piyada gəzinti, xizəksürmə, dağ velosipedi və ya alpinist fəaliyyəti zamanı həlak olublar.
Ölüm səbəbləri arasında ilk sırada ürək çatışmazlığı yer alıb. Bundan başqa, bir çox insan büdrəyərək və ya dağdan yıxılaraq həyatını itirib, 16 nəfər isə qar uçqunu və ya aşan ağacların altında qalması nəticəsində həlak olub.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
