Ötən il Yevlaxda 91 hektar sahədə yeni meşələr salınmışdır
Yevlax, 12 yanvar (AZƏRTAC). Yevlax rayonunda meşələrin mühafizəsi və bərpası daim diqqət mərkəzində saxlanılır.
Yevlax rayon Meşə Mühafizəsi və Bərpası Müəssisəsindən AZƏRTAC-a bildirmişlər ki, 2013-cü ildə 91 hektar sahədə akasiya, göyrüş, melya, tut və iydə cinslərindən ibarət yeni meşələr salınmış, meşə-bərpa işləri aparılmışdır. Kökləndirmək üçün 1 hektar sahədə nar və qovaq ağaclarından 81 min ədəd qələm basdırılmış, 1,5 hektar sahədə böyütmə sahəsi (70 min ədəd) yaradılmışdır. Üç hektar sahədə tinglik səpilmiş, 900 kiloqram toxum tədarük edilmişdir.
2014-cü ildə rayon ərazisində yeni meşələrin salınması davam etdiriləcəkdir.
Bölmənin digər xəbərləri
