OTÜSTÜ XOKKEYÇİLƏR AVROPA ÇEMPİONATINA YOLLANIR
Bakı, 14 avqust (AZƏRTAC). Avqustun 22-dən 30-dək Amsterdamda qadınlar arasında otüstü xokkey üzrə Avropa çempionatının final mərhələsi keçiriləcəkdir.
Yarışda Azərbaycan komandası da iştirak edəcəkdir. A qrupunda yarışacaq komandamızın ilk rəqibi Niderland yığması olacaqdır.
Avqustun 23-də Rusiya millisi ilə qarşılaşacaq xokkeyçilərimiz, iki gün sonra İngiltərə yığmasını sınağa çəkəcəklər.
Komandamız təlim-məşq toplanışında iştirak etmək üçün Hollandiyaya avqustun 15-dən yollanacaqdır.
Qeyd edək ki, 1-4-cü yerlərin qalibi olacaq komandalar 2010-cu ildə Argentinada keçiriləcək dünya çempionatının final mərhələsində yarışmaq imkanı əldə edəcəklər.
Bölmənin digər xəbərləri
