Özbəkistan portalı Ermənistan ordusunun cəbhə xəttindəki son təxribatları barədə yazır
Daşkənd, 15 iyun, АZƏRTAC
Özbəkistanın tnews.uz portalı Ermənistan ordusunun cəbhə xəttindəki son təxribatları haqqında məlumat yayıb.
Məlumatda Azərbaycan Silahlı Qüvvələrinin əsgəri Elşən Xəlilovun ermənilər tərəfindən qətlə yetirildiyi bildirilir. Qeyd edilir ki, bu qanlı hadisə ATƏT-in Minsk qrupunun vasitəçiliyi ilə Azərbaycan və Ermənistan xarici işlər nazirlərinin görüşü ərəfəsində törədilib və bu da regionda gərginliyin daha da artmasına xidmət edir.
Məqalədə qeyd edilir ki, bundan əvvəl erməni qəsbkarları mayor Aqil Omarovu da qətlə yetiriblər.
Vurğulanır ki, bütün bunlarla Nikol Paşinyan və komandası sülh prosesinə zərbə vurur.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
