Ozon çirklənməsi bitkilərin sağlamlığına təhlükə yaradır
Bakı, 12 oktyabr, AZƏRTAC
Çin alimlərinin tədqiqatlarına görə, ozon çirklənməsi bitkilər üçün böyük təhlükə törədir. Ozon stratosferdə təbii yolla formalaşır və Yer kürəsini Günəşin zərərli şüalarından müdafiə etməyə yardım edir.
AZƏRTAC Sinxua agentliyinə istinadla xəbər verir ki, Nankin İnformasiya Elmləri və Texnologiyaları Universitetinin professoru Evgenios Agatokleous ozonun çiçəkləmə vaxtı bitkilərin və tozlandırıcıların qarşılıqlı fəaliyyətinə təsir edə biləcəyini bildirib. Onun fikrincə, ozon çirklənməsi çiçəklərin rəngini dəyişir və tozlandırıcıların vizual siqnallarını pozur.
Tədqiqat, həmçinin göstərir ki, bu növ çirklənmə bitki yarpaqlarını dərhal zədələyir, bu da onların fotosintez prosesini və bitkinin inkişafı üçün enerji istehsalını çətinləşdirir.
Bölmənin digər xəbərləri
