Papa Fransisk adından Ukraynaya tibbi avadanlıq göndərilib
Vatikan, 20 dekabr, AZƏRTAC
Milad bayramı ərəfəsində Roma Katolik Kilsəsinin rəhbəri Papa Fransisk adından münaqişədən əziyyət çəkənlərə dəstək məqsədilə Ukraynaya tibbi avadanlıqlar göndərilib.
AZƏRTAC xəbər verir ki, bu barədə Müqəddəs Taxt-Tacın mətbuat xidməti məlumat yayıb.
Bildirilir ki, yardıma cərrahi əməliyyatlar aparılan səyyar xəstəxana, 6 ədəd ultrasəs aparatı və digər tibbi avadanlıqlar daxildir.
Roma Papasının tapşırığına əsasən Katolik Kilsəsinin polşalı kardinalı Almoner Konrad Krayevski münaqişənin nəticələrindən əziyyət çəkənlərə pontifikin istəklərini çatdırmaq və maddi yardım göstərmək üçün müharibə başlayandan bəri Ukraynaya 10 dəfə səfər edib.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
