Paraüzgüçülərimiz lisenziya xarakterli dünya çempionatında iştirak edəcəklər
Bakı, 28 iyul, AZƏRTAC
Azərbaycan paraüzgüçüləri İngiltərəyə yollanıblar.
AZƏRTAC Azərbaycan Milli Paralimpiya Komitəsinə istinadla xəbər verir ki, iyulun 31-dən avqustun 6-dək Mançesterdə keçiriləcək dünya çempionatında üç idmançımız mübarizə aparacaq. Bunlar üçqat Paralimpiya çempionu Raman Salei, Paralimpiya çempionu Vəli İsrafilov və Könül Süleymanovadır.
Çempionatda ilk iki yeri tutacaq idmançılar 2024-cü ildə Parisdə keçiriləcək XVII Yay Paralimpiya Oyunlarına birbaşa lisenziya qazanacaqlar.
Bölmənin digər xəbərləri
