Tbilisi, 15 avqust, AZƏRTAC 

Ermənistanın baş naziri Nikol Paşinyan öz kabinetində orta məktəb şagirdləri ilə görüşüb. Hökumət başçısı məktəblilərə dövlət sərhədləri barədə məlumat verib, birinci sərhəd sütununun maketini göstərib.

AZƏRTAC Ermənistan mətbuatına istinadla xəbər verir ki, Paşinyan həmçinin şagirdlərə Ermənistanla Azərbaycan arasında sərhədin delimitasiyası ilə bağlı məlumat verib.

“Sərhəd dövlətin mühüm simvoludur. Bu il Ermənistanla Azərbaycan arasında sərhədin delimitasiyası Tavuş vilayətində aparılıb”, - deyə baş nazir bildirib.

Xətayi Əzizov

AZƏRTAC-ın xüsusi müxbiri

Tbilisi