Paytaxtın bu ərazisində qısamüddətli təmir işləri aparılacaq
Bakı, 30 dekabr, AZƏRTAC
Qarşıdan gələn bayram tətili günlərində Bakı şəhərində nəqliyyat vasitələrinin hərəkət intensivliyinin azalması fürsətindən yararlanaraq Azərbaycan Avtomobil Yolları Dövlət Agentliyi tərəfindən aparılacaq cari təmir işləri çərçivəsində yanvarın 2-si saat 00:00-dan dan etibarən Xətai prospekti ilə Əbdüləzəl Dəmirçizadə küçələrinin kəsişməsindən Heydər Əliyev prospektinin başlanğıcına kimi olan hissədə nəqliyyat vasitələrinin hərəkəti hissə-hissə qismən məhdudlaşdırılacaq.
Agentlikdən AZƏRTAC-a verilən məlumata görə, hərəkətin məhdudlaşdırılması işlər yekunlaşanadək qısa müddət ərzində qüvvədə olacaq.
Sürücülərdən aparılan işlərə anlayışla yanaşmaları, öncədən hərəkət istiqamətinə uyğun alternativ yollardan istifadə etmələri xahiş olunub.
Bölmənin digər xəbərləri
