PEDAQOJİ FAKÜLTƏLƏR ÜÇÜN İKİ TƏDRİS VƏSAİTİ HAZIRLANACAQ

03.11.2004 [12:09]
Çap et
A⁺ A^-

AZƏRTAC xəbər verir ki, ABŞ-ın Beynəlxalq Tədqiqatlar və Mübadilələr Şurasının ölkəmizdəki nümayəndəliyi “Azərbaycanın orta məktəbləri üçün sosial fənlər (tarix, coğrafiya, təbiətşunaslıq və vətəndaş təhsili) sahəsində müəllim hazırlığı üzrə tədris proqramının inkişafı layihəsi”nin 3-cü mərhələsinə başlamışdır.

2006-cı ilədək davam edəcək layihənin bu mərhələsində ABŞ-ın Corc Meyson Universitetində on həftəlik seminarlarda iştirak etmiş və qərb təhsilinin yenilikləri ilə tanış olmuş 6 nəfərdən ibarət müəllim-təlimatçı qrupu “Pedaqoji fakültələrdə müəllim hazırlığı üzrə tədris vəsaiti” və “Orta məktəblərdə ictimai fənlər üzrə dərs modelləri”ni hazırlayacaqlar.

Yeni dərsliklər dekabr ayında pilot məktəblərdə sınaqdan keçiriləcəkdir.