Pekin Kiyevdən Çin vətəndaşlarının təhlükəsizliyini təmin etməyi xahiş edib
Bakı, 24 iyul, AZƏRTAC
Pekin ümidvardır ki, Kiyev Ukraynadakı ÇXR vətəndaşlarının təhlükəsizliyini təmin etməyə davam edəcək.
AZƏRTAC xəbər verir ki, bunu Çinin xarici işlər naziri Van İ ukraynalı həmkarı Dmitro Kuleba ilə söhbətində deyib.
“Biz münaqişənin başlanğıcında Çin vətəndaşlarının, xüsusən də tələbələrin təxliyəsində göstərdiyi köməyə görə Ukraynaya təşəkkür edirik”, - deyə o bildirib.
Xatırladaq ki, Ukraynanın xarici işlər naziri Dmitro Kuleba iyulun 23-dən Çində səfərdədir. Üç günlük səfər çərçivəsində ikitərəfli əlaqələrin perspektivləri, eləcə də Rusiya-Ukrayna münaqişəsinin nizamlanması yolları nəzərdən keçirilir.
Bölmənin digər xəbərləri
