Petre Roman: Biz həlledici qüvvələri meydana çıxarmalıyıq və texnologiyaların dayanıqlı olması mühüm şərtdir
Bakı, 4 noyabr, AZƏRTAC
Qlobal iqtisadiyyat çox mürəkkəb sistemdir. Bu sistem həm daxildə, həm xaricdə olan problemləri meydana çıxarır. Böhran vəziyyətində bu, özünü daha qabarıq göstərir. Biz həlledici qüvvələri meydana çıxarmalıyıq. Texnologiyaların davamlı və dayanıqlı olması mühüm şərtdir. Yəni, onların mümkün ola biləcək böhranlara davam gətirə bilməsi öyrənilməlidir.
AZƏRTAC xəbər verir ki, bu fikirləri Rumıniyanın sabiq Baş naziri Petre Roman noyabrın 4-də VIII Qlobal Bakı Forumu çərçivəsində “Yeni dünya iqtisadiyyatı” mövzusunda keçirilən panel müzakirələri zamanı deyib.
Yer kürəsinin təhlükəli məkana çevriləcəyindən narahatlığını ifadə edən Petre Roman diqqətə çatdırıb ki, enerji bazarının təkrar layihələndirilməsinə fikir verilməlidir. Mürəkkəb münasibətləri araşdırmaq mütləqdir. Bazarda olan qiymətlər bazar hədəflərinə uyğun gəlmədikdə problemlərin yaranması qaçılmazdır.
Bölmənin digər xəbərləri
