Pilotun qohumu: Kşnyakin İqorun xatirəsi ailəsinin və dostlarının qəlbində daim yaşayacaq
Bakı, 26 dekabr, AZƏRTAC
Kşnyakin İqor dəfələrlə səfərlərə çıxan və qayıdan, hər zaman işinə sadiqliyi və peşəkarlığı ilə seçilən böyük təcrübəyə malik bir pilot idi. O, mükəmməl bir insan idi. Hər zaman ailəsi ilə sıx əlaqədə olur, onlara dəstək verirdi. Onun işinə necə bağlı olduğunu hamımız bilirdik. Gediş-gəlişi adi hal idi, amma bu dəfə fərqli oldu. Əfsuslar olsun ki, bu səfəri son oldu.
AZƏRTAC xəbər verir ki, bu sözləri ötən gün Bakı-Qroznı reysi zamanı baş verən təyyarə qəzasında həlak olan pilot Kşnyakin İqorun qohumu Nicat Bağırov jurnalistlərə açıqlamasında söyləyib.
Qohumu bildirib ki, mərhum öz həyatını tamamilə işinə və ailəsinə həsr etmişdi: “Üç gün əvvəl danışmışdıq. Hər zaman olduğu kimi səfərindən bəhs edirdi. Hamı onun necə mükəmməl insan olduğunu təsdiqləyir. Bu böyük insanın itkisinin yaratdığı boşluğu doldurmaq çətindir, lakin onun xatirəsi ailəsinin və dostlarının qəlbində daim yaşayacaq. Allah rəhmət eləsin”.
Bölmənin digər xəbərləri
