Polşada məktəb avtobusu qəzaya uğrayıb, azı 25 nəfər xəsarət alıb
Bakı, 8 iyun, AZƏRTAC
Polşada məktəb avtobusunun iştirakı ilə baş verən yol-nəqliyyat hadisəsi nəticəsində azı 25 nəfər xəsarət alıb, onlardan 4-nün vəziyyəti ağırdır.
AZƏRTAC xarici KİV-lərə istinadla xəbər verir ki, insident Zakopane kurort şəhərində qeydə alınıb. Burada avtobus yük avtomobili ilə toqquşub. Məktəbliləri ekskursiyaya aparan avtobusda qəza zamanı ümumilikdə 47 insan, o cümlədən 42 uşaq olub.
Hazırda hadisə yerində polis işləyir, qəzanın başvermə səbəbləri araşdırılır.
Bölmənin digər xəbərləri
