Premyer Liqa: Bu gün birinci tura yekun vurulacaq
Bakı, 4 avqust, AZƏRTAC
Bu gün futbol üzrə Azərbaycan Premyer Liqasında birinci tura yekun vurulacaq.
AZƏRTAC xəbər verir ki, son oyun günündə iki qarşılaşma baş tutacaq. Əvvəlcə meydana “Sabah” və “Şamaxı” komandaları çıxacaq. “Bank Respublika Arena”da reallaşacaq görüş saat 17:30-da start götürəcək.
Günün son oyununda “Zirə” “Səbail”i sınağa çəkəcək. Zirə İdman Kompleksinin stadionunda oynanılacaq matç saat 20:00-da başlayacaq.
Turun daha əvvəl keçirilən qarşılaşmalarında “Qarabağ” “Araz-Naxçıvan”a 4:1, “Sumqayıt” “ Kəpəz”ə 2:0 hesabı ilə qalib gəlib. “Neftçi” – “Turan Tovuz” oyunu isə qolsuz heç-heçə ilə yekunlaşıb.
Bölmənin digər xəbərləri
