Professor: Azərbaycan tarixinin mühüm istiqamətlərindən biri albanşünaslıqdır
Bakı, 22 aprel, AZƏRTAC
Ötən il Qafqaz Albaniyasına dair xüsusi biblioqrafiya hazırlanıb. Azərbaycan tarixinin qədim dövrünün mühüm istiqamətlərindən biri də albanşünaslıq və Qafqaz Albaniyasının tarixinin araşdırılmasıdır. Bu məqsədlə Tarix və Etnologiya İnstitutunda mütəxəssislərin alban dili üzərində çalışmasına xüsusi diqqət yetirilib.
AZƏRTAC xəbər verir ki, bu fikirləri AMEA Tarix və Etnologiya İnstitutunun direktoru professor Kərim Şükürov “Qədim mətnlər və klassik mənbələr erməniçilik saxtakarlıqlarını və uydurmalarını ifşa edir və ya Qədim Turan haqqında və Kiçik Asiya ərazilərində prototürk qəbilələri və onların Qafqaz əlaqələri” mövzusunda konfransda deyib.
Professor bildirib ki, bəzi erməni tarixçilər Azərbaycanın Alban irsi ilə bağlılığını inkar etməyə çalışırlar: “Onlar iddia edirlər ki, azərbaycanlılar Qafqaz Albaniyasının varisləri deyil. Bu istiqamətdə qarşımızda ciddi vəzifələr dayanır. Tarix, mənəvi irsimiz kimliyimizin əsas göstəricisidir. O, xalqın keçdiyi inkişaf yolunu özündə əks etdirir”.
Bölmənin digər xəbərləri
