Qanunsuz kəsilmiş ağacların daşınmasının qarşısı alınıb
Bakı, 9 aprel, AZƏRTAC
Aprelin 9-da gecə saatlarında Masallı Regional Meşə Təsərrüfatı Mərkəzinin əməkdaşları tərəfindən Qəriblər meşəbəyliyinin 8 saylı dolayında qanunsuz olaraq kəsilmiş ağacların "Mersedes" markalı 99 TH 576 dövlət nömrə nişanlı nəqliyyat vasitəsi ilə daşınmasının qarşısı alınıb.
Meşələrin İnkişafı Xidmətinin rəisi Cabbar Qəribov AZƏRTAC-a bildirib ki, ağac materialı yüklənmiş nəqliyyat vasitəsi Regional Meşə Təsərrüfatı Mərkəzinə gətirilərək boşaldılıb.
Qeyd olunub ki, bununla bağlı rayon polis şöbəsinə məlumat verilib. Hazırda araşdırma aparılır.
Bölmənin digər xəbərləri
