“Qarabağ” Miçellə yeni müqavilə imzalayıb
Bakı, 7 iyun, Nicat Məmmədov, AZƏRTAC
Ağdamın “Qarabağ” klubu futbolçusu Miçellə yeni müqavilə imzalayıb.
AZƏRTAC klubun rəsmi saytına istinadla xəbər verir ki, müqaviləsi başa çatan ispaniyalı yarımmüdafiəçi daha iki il Ağdam təmsilçisinin formasını geyinəcək.
Miçel geridə qalan mövsümdə 36 oyunda meydanda olub, 8 qol və 5 məhsuldar ötürmə ilə yadda qalıb.
2015-ci ildən “Qarabağ”da çıxış edən Miçel 144 oyunda 29 qol vurub. Futbolçu 4 dəfə Topaz Premyer Liqası, 2 dəfə isə Azərbaycan kubokunun qalibi olub.
Qeyd edək ki, “Qarabağ” bir müddət əvvəl Qara Qarayevlə də müqaviləsini yeniləmişdi.
Bölmənin digər xəbərləri
