QARAÇAY-ÇƏRKƏZ RESPUBLİKASININ PREZİDENTİ QIZINI CİNAYƏTKAR KÜRƏKƏNİNDƏN BOŞATDIRMIŞDIR
M.Batdıyev bunu respublika hökumətinin üzvləri, prezidentin icra aparatının rəhbərləri və jurnalistlər qarşısında açıqlamışdır.
O, axtarılan şəxslər barədə məlumatı olan adamlara istintaqa kömək göstərmək xahişi ilə müraciət etmiş və cinayətkarların hamısının yaxlanacağına əmin olduğunu demişdir.
Xatırladaq ki, oktyabrın 11-nə keçən gecə Qaraçay-Çərkəzdə yeddi adam – respublika parlamentinin deputatı Rəsul Boqartırov və onun altı dostu yoxa çıxmışdır. Qohumlarının sözlərinə görə, bu cavanlar Əli Kaitovun bağ evinə getmiş və sonra burada yarım saat ərzində atışma səsləri eşidilmişdir.
Respublika Prokurorluğunun nümayəndəsi bildirmişdir ki, yoxa çıxanlar, çox güman, öldürülmüşlər. Lakin onların meyitləri hələlik tapılmayıbdır.
Bölmənin digər xəbərləri
