CƏMİYYƏT
Qaradağda mikroavtobusun yol kənarında dayanan yük avtomobilinə çırpılması nəticəsində bir nəfər ölüb
Bakı, 11 sentyabr, AZƏRTAC
Paytaxtın Qaradağ rayonunda ağır yol-nəqliyyat hadisəsi baş verib.
Fövqəladə Hallar Nazirliyindən AZƏRTAC-a bildiriblər ki, nazirliyin 112 - qaynar telefon xəttinə “Mercedes” markalı mikroavtobusun yol kənarında dayanan “DAF” markalı yük avtomobilinə çırpılması barədə məlumat daxil olub. Xüsusi Riskli Xilasetmə Xidmətinin hadisə yerinə cəlb olunan xilasetmə qüvvələri bir nəfərin meyitini (şəxsiyyəti dəqiqləşdirilir) və müxtəlif xəsarətlər alaraq sıxılmış vəziyyətdə qalan 3 nəfəri deformasiyaya uğrayan mikroavtobusdan çıxararaq aidiyyəti üzrə təhvil veriblər.
Hadisə ilə bağlı müvafiq qurumlar tərəfindən araşdırma aparılır.