Qaxda baş vermiş yanğın hadisəsi nəticəsində taxıl sahələri və kol bitkilərinə ziyan dəyib
Bakı, 25 iyul (AZƏRTAC). Qaxda baş vermiş yanğın hadisəsi nəticəsində qış otlaq sahələrindəki biçilmiş taxıl sahələri və kol bitkilərinə ziyan dəyib.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirilib ki, iyulun 24-də axşam saat 18 radələrində İlisu Dövlət Təbiət Qoruğu ilə sərhəddə yerləşən qış otlaq sahələrində naməlum səbəblərdən yanğın hadisəsi baş verib.
Dərhal əraziyə cəlb olunmuş İlisu Dövlət Təbiət Qoruğunun və Fövqəladə Hallar Nazirliyinin Qax, Zaqatala və Balakən rayonlarının yanğından mühafizə hissələrinin əməkdaşlarının birgə səyləri nəticəsində gecə saat 03:30 radələrində yanğının qarşısı tam alınaraq qoruq ərazisinə keçməsinə imkan verilməyib.
Bölmənin digər xəbərləri
