QAXDA KİTAB MARAFONU DAVAM EDİR

01.02.2004 [18:23]
Çap et
A⁺ A^-

Xəbər verdiyimiz kimi, kitabxana fondlarının latın qrafikası ilə çap edilmiş kitablarla təmin olunmasını yaxşılaşdırmaq məqsədilə 2003-cü ilin dekabr ayından Qax rayon icra hakimiyyəti başçısının təşəbbüsü ilə rayonda kitab marafonunun keçirilməsinə başlanılmışdır.

Rayon mədəniyyət şöbəsindən AZƏRTAC-ın müxbirinə bildirmişlər ki, şöbə bu xeyirxah işə kömək göstərmək üçün ziyalılara, idarə və müəssisə rəhbərlərinə, iş adamlarına, rayondan kənarda yaşayan həmyerlilərə müvafiq müraciətlər göndərmişdir.

İlk nəticələr göstərir ki, qaxlılar bu müraciətə biganə qalmamışlar. Qısa müddət ərzində 500-dən artıq latın qrafikalı kitab toplanaraq, rayon mərkəzi kitabxanasının fonduna təhvil verilmişdir. Kitabxana işçiləri fonda 100 kitab hədiyyə etdiyinə görə Bakı şəhərində yaşayan həmyerliləri Əhməd Əhmədzadəyə xüsusilə minnətdarlıqlarını bildirirlər.

Kitab marafonu davam edir.

QAXDA KİTAB MARAFONU DAVAM EDİR

MÜƏLLİFLƏ ƏLAQƏ

Bölmənin digər xəbərləri