QAXDA YENİ İŞ YERLƏRİNİN SAYI ARTIR

02.10.2006 [12:08]
Çap et
A⁺ A^-

Qax rayonu İcra hakimiyyətindən AZƏRTAC-ın müxbirinə bildirmişlər ki, regionların sosial-iqtisadi inkişafına dair Dövlət Proqramında nəzərdə tutulan tədbirlərin həyata keçirilməsi nəticəsində 2006-cı ilin 9 ayında rayonda 541 yeni iş yeri yaradılmış, yeni və fəaliyyəti bərpa edilmiş müəssisələrdə 135 nəfər daimi işlə təmin edilmişdir.

Bu ilin ötən dövrü ərzində rayonda süfrə suları istehsal edən 3 sex, habelə makaron və fındıq emalı sexləri fəaliyyətə başlamış, aqrotexservis və tütün fermentləmə müəssisələri açılmış, onlarca yeni ticarət, xidmət və s. obyektləri istifadəyə verilmişdir.

Ümumiyyətlə, Dövlət Proqramının qəbul olunmasından keçən müddətdə Qax rayonunda 2483 yeni iş yeri yaradılmışdır.