QAZAXISTAN XALQLARI KİÇÇİK ASSAMBLEYASININ SESSIYASI OLMUŞDUR

30.10.2005 [11:53]
Çap et
A⁺ A^-

AZƏRTAC-ın xüsusi müxbiri xəbər verir ki, Astanada Qazaxıstan xalqları Kiççik Assambleyasının yeddinci sessiyası keçirilmişdir. Sessiyada deyilmişdir ki, paytaxtda 23 milli mədəniyyət mərkəzi fəaliyyət göstərir. Onların işləməsi üçün hər cür şərait yaradılmışdır. Qeyd olunmuşdur ki, Qazaxıstanda 136 xalq və millətin nümayəndəsi sabitlik şəraitində yaşayır. Ölkədə 11 dildə qəzet və jurnal buraxılır, 12 dildə televiziya verilişləri hazırlanır.

Sessiyada Astanadakı “Xəzər” Azərbaycan Mədəniyyət Mərkəzinin rəhbərləri də iştirak etmişlər.

Mərkəzin sədri Vidadi Ağayev AZƏRTAC-ın müxbiri ilə söhbətində demişdir ki, Qazaxıstanda mədəniyyət mərkəzlərinin inkişafı, milli adət-ənənələrin qorunub-saxlanması məsələsi daim dövlətin diqqət mərkəzindədir. Biz həmişə dövlət və milli bayramlarımızı yüksək səviyyədə qeyd edirik.Astanada rus dilində “Turan Ekspress” adlı qəzetimiz çap olunur və burada Azərbaycanın siyasi və iqtisadi həyatı, Ermənistan-Azərbaycan, Dağlıq Qarabağ nünaqişəsi haqqında materiallara geniş yer veririk.

QAZAXISTAN XALQLARI KİÇÇİK ASSAMBLEYASININ SESSIYASI OLMUŞDUR

MÜƏLLİFLƏ ƏLAQƏ

Bölmənin digər xəbərləri