QAZAXISTANDA İLK MİLLİ PEYK BURAXILACAQ

21.05.2004 [13:36]
Çap et
A⁺ A^-

AZƏRTAC-ın Astanadan aldığı xəbərə görə, Qazaxıstanda ilk milli peykin hazırlanması və buraxılması işlərini fəallaşdırmaq məqsədi ilə işçi qrupu yaradılacaqdır. Bu barədə mayın 21-də Qazaxıstanda kosmik texnologiyaların inkişafı və respublikada ilk “QazSat” peykinin eskiz layihəsinin hazırlanması məsələlərinin müzakirəsinə həsr olunmuş hökumət müşavirəsində bildirilmişdir.

Baş nazir Danial Əhmədov ölkədə ilk kosmik peykin hazırlanması və buraxılması işlərini fəallaşdırmaq üçün daimi işçi qrupu yaratmağı tapşırmışdır. Bundan əlavə, mayın 19-da Sarışaqan poliqonu və “Baykonur” kosmodromu obyektlərinə səfərlərin yekunları nəzərə alınaraq, yerüstü idarəetmə kompleksinin inkişaf etdirilməsi barədə qərar qəbul olunmuşdur.

Rusiya ilə Qazaxıstan arasında razılaşmaya görə, Xruniçev adına Rusiya Dövlət Kosmik Elm-İstehsalat Mərkəzi Qazaxıstan üçün ilk milli geostasionar rabitə və yayım peyki hazırlayacaqdır. Hazırda Qazaxıstan xarici peyklərin icarəsinə görə hər il təxminən 30 milyon dollar ödəyir.

QAZAXISTANDA İLK MİLLİ PEYK BURAXILACAQ

MÜƏLLİFLƏ ƏLAQƏ

Bölmənin digər xəbərləri