İDMAN
“Qəbələ” baş məşqçi Roman Qriqorçuk ilə müqavilə müddətini uzadıb
![“Qəbələ” baş məşqçi Roman Qriqorçuk ilə müqavilə müddətini uzadıb](/files/2015/3/1200x630/1450676904402961888_1200x630.jpg)
Bakı, 21 dekabr, AZƏRTAC
“Qəbələ” futbol klubu baş məşqçi Roman Qriqorçuk ilə müqavilə müddətini uzadıb.
Klubdan AZƏRTAC-a bildiriblər ki, ukraynalı mütəxəssislə yeni anlaşma daha bir il müddətinə nəzərdə tutulub. Əvvəlki müqaviləsi 2015-2016-cı il mövsümünün sonunda başa çatacaq 50 yaşlı çalışdırıcı daha bir il “qırmızı-qaralar”a rəhbərlik edəcək. Onunla yeni anlaşma 2017-ci ilin iyununda - 2016-2017-ci il mövsümünün sonunda başa çatacaq.
“Qəbələ” 2015-ci ilin əvvəlindən komandanın baş məşqçisi olan R.Qriqorçukun rəhbərliyi altında 2014-2015-ci il mövsümündə Premyer Liqanın bürünc mükafatını qazanıb, 2015-2016-cı il mövsümündə UEFA Avropa Liqasında qrup mərhələsinədək irəliləyib.