“Qəbələ” klubu birinci Novruz turnirinin qalibi olub
Bakı, 24 mart, AZƏRTAC
“Qəbələ” idman klubunun təşkilatçılığı ilə 12 yaşadək futbolçular arasında birinci Novruz turnirinə yekun vurulub.
AZƏRTAC xəbər verir ki, Şamaxı Olimpiya İdman Kompleksində keçirilən turnirin ikinci günündə iki turun 4 qarşılaşması oynanılıb.
İkinci turda “Qəbələ” “Qəbələ UGİM”ə 4:0, “Vətən” isə “Sumqayıt İOEUGİM”ə 3:1 hesabı ilə qalib gəlib. Sonuncu turda “Vətən” klubu “Qəbələ UGİM”i, “Qəbələ” isə sumqayıtlıları eyni - 2:1 hesabı ilə məğlub edib.
Beləliklə, 9 xal toplayan “Qəbələ” birinci Novruz turnirinin qalibi adına yiyələnib. 6 xal toplayan “Vətən” ikinci, “Sumqayıt İOEUGİM” isə üçüncü yeri tutub.
Bölmənin digər xəbərləri
