Qəbələ” klubunun üç futbolçusu milli komandalara dəvət almışdır
Bakı, 6 noyabr (AZƏRTAC). “Qəbələ” klubunun üç futbolçusu yığma komandalara dəvət almışdır.
Klubdan AZƏRTAC-a bildirmişlər ki, Azərbaycan milli komandası 2, U-21 yığması isə “Qəbələ”nin 1 futbolçusuna dəvət göndərmişdir.
Müdafiəçilər Volodimir Levin və Elnur Allahverdiyev noyabrın 15-də Tallində Estoniya, noyabrın 19-da isə Bişkekdə Qırğızıstan yığması ilə yoldaşlıq oyunu keçirəcək milli komandamızın heyətində forma geymək şansı qazanmışlar.
Ürfan Abbasov isə Avropa çempionatının seçmə mərhələsi çərçivəsində noyabrın 15-də Skopye şəhərində Makedoniya komandası ilə qarşılaşacaq Azərbaycan U-21 komandasının heyətinə dəvət almışdır.
Qeyd edək ki, Topaz Premyer Liqasının XIII turundan sonra milli komandaların yoldaşlıq oyunları ilə əlaqədar çempionata 11 günlük fasilə veriləcəkdir.
Bölmənin digər xəbərləri
