QƏBƏLƏDƏ KƏND TƏSƏRRÜFATI MƏHSULLARININ İSTEHSALI ARTMIŞDIR
Qəbələ Rayon Statistika İdarəsi ilin doqquz ayının yekunlarını elan etmişdir. Məlumatda deyilir ki, doqquz ayda rayonda 7182 ton tərəvəz, 5864 ton kartof, 1408 ton qarğıdalı, 1600 ton bostan məhsulları istehsal edilmişdir. Yığılan məhsul ötən ilin eyni dövründəki ilə müqayisədə müvafiq olaraq 1306 ton, 957 ton və 269 ton çox olmuşdur.
İdarədən AZƏRTAC-a bildirmişlər ki, aprel-may aylarında hava şəraitinin pis keçməsi nəticəsində meyvə yığımı ötən illə müqayisədə 1583 ton azalmışdır.
Payızlıq dənli bitkilər üçün ötən ildəkindən 223 hektar çox, yəni 8073 hektarda şum çıxarılmışdır. 3739 ton payızlıq toxum fondu ayrılmışdır ki, bu, ötən ildəkindən 55 ton çoxdur.
Bölmənin digər xəbərləri
