QILINCOYNATMA ÜZRƏ BAKI BİRİNCİLİYİ BAŞA ÇATMIŞDIR
AZƏRTAC xəbər verir ki, yanvarın 12-də oğlanlar arasında qılıncoynatma üzrə Bakı birinciliyinə yekun vurulmuşdur. 24 idmançının mübarizə apardığı yarışda “Neftçi” İdman-Sağlamlıq Mərkəzinin yetirməsi Namiq Ağarəhimov birinci yer tutmuşdur. Bakı Şəhər Uşaq-Gənclər İdman Məktəbinin təmsilçisi Murad Əliyev ikinci, onun komanda yoldaşı Vüqar Ağakişiyev isə üçüncü yerə çıxmışdır.
“Neftçi” İdman–Sağlamlıq Mərkəzinin daha bir yetirməsi - Elçin Əliyev də üçüncü nəticə göstərmişdir. Bununla da üç gün davam edən Bakı birinciliyi başa çatmışdır.
Yanvarın 18-də qılıncoynatma üzrə respublika birinciliyi start götürəcəkdir.
Bölmənin digər xəbərləri
