QIRĞIZISTAN PREZİDENTİ İCRA APARATININ STRUKTURUNDA İXTİSARLAR APARILMIŞDIR

05.06.2004 [16:03]
Çap et
A⁺ A^-

AZƏRTAC-ın xüsusi müxbiri xəbər verir ki, Qırğızıstan Prezidenti Əsgər Akayevin Fərmanı ilə Prezidentin İcra Aparatının ştatı 10 faiz ixtisar edilmişdir. Bu haqda aparatın rəhbəri Toyçibek Qasımov məlumat verərək demişdir ki, bu, dövlət büdcəsinə qənaət etməyə və əlavə xərcləri sosial-iqtisadi problemlərin həllinə yönəltməyə imkan verəcəkdir.

Bu məqsədlə, Qırğızıstan Prezidenti İcra Aparatının yeni strukturu və ştat bölgüsü təsdiq olunmuş, Prezidentin müşavirləri və köməkçilərinin vahid qrupu yaradılmış, dini təşkilatlar, ictimai birliklər, kütləvi informasiya vasitələri və siyasi partiyalarla əlaqə xidməti təşkil edilmişdir. Yeni xidmət ona görə yaradılmışdır ki, hazırda Respublikada 40 siyasi partiya, 5 min qeyri-hökumət birliyi, 1825 ictimai fond, 221 dini təşkilat və 840 kütləvi informasiya vasitəsi fəaliyyət göstərir.

QIRĞIZISTAN PREZİDENTİ İCRA APARATININ STRUKTURUNDA İXTİSARLAR APARILMIŞDIR

MÜƏLLİFLƏ ƏLAQƏ

Bölmənin digər xəbərləri