Qran-Prinin qalibi: Bu cür çıxış etsəm, Paralimpiya Oyunlarına lisenziya qazana bilərəm
Bakı, 27 sentyabr, AZƏRTAC
Qızıl medal qazanaraq ölkəmizin bayrağını Meksikada dalğalandırdım. Bu uğuruma görə şəxsi məşqçimə və milli komandanın çalışdırıcılarına təşəkkürümü bildirirəm.
Bu sözləri AZƏRTAC-a açıqlamasında Meksikanın Verakrus ştatında keçirilmiş Qran-Pri turnirində qızıl medal qazanan Azərbaycan parataekvondoçusu Sabir Zeynalov deyib.
58 kiloqram çəki dərəcəsində mübarizə aparan idmançı yarışa ciddi hazırlaşdığını bildirib: “Komandada hər birimiz çox çalışdıq və bunun bəhrəsini gördük. Qarşıdakı yarışlarda da bu cür çıxış etsəm, “Paris-2024” Yay Paralimpiya Oyunlarına lisenziya əldə edə bilərəm. Növbəti hədəfim Paralimpiya çempionu olmaqdır”.
Bölmənin digər xəbərləri
