RABİTƏ NAZİRLİYİNİN MƏLUMATI
Rabitə Nazirliyinin apardığı araşdırmalar zamanı müəyyən olunmuşdur ki, əhalinin bir qismi televiziya proqramlarının qəbulu üçün standart anten və qəbuledici qurğulardan, gərginlik tənzimləyicilərdən istifadə etmədiyindən, antenləri müvafiq televiziya stansiyalarına düzgün istiqamətləndirmədiyindən belə fikir yaranır ki, guya AzTV-1 proqramı keyfiyyətlə yayımlanmır.
Rabitə Nazirliyi vətəndaşlardan xahiş edir ki, AzTV-1 proqramının yayımı ilə bağlı narazılıqlarını bildirməzdən əvvəl, televiziya qəbuledicilərinin və anten avadanlığının standartlara uyğunluğunu dəqiqləşdirsin, anten qurğularının yaxınlıqdakı ötürücü televiziya stansiyasına düzgün istiqamətləndirilməsini, gərginliyin qeyri-sabit olduğu ərazilərdə gərginlik tənzimləyicilərindən istifadə edilməsini, televizor cihazlarının saz vəziyyətdə olmasını təmin etsinlər. Bütün bunlardan sonra AzTV-1 proqramının normal qəbulu mümkün olmadıqda, 93-22-63 nömrəli telefona zəng etsinlər.
Bölmənin digər xəbərləri
