Ramil Qasımov: Arif Məlikovun yaradıcılığı hər bir azərbaycanlı üçün iftixar mənbəyidir
Bakı, 12 sentyabr, AZƏRTAC
Sentyabrın 13-də dünyaşöhrətli bəstəkar Arif Məlikovun anadan olmasının 90-cı ildönümü tamam olur. Arif Məlikovun yaradıcılığı hər bir azərbaycanlı üçün böyük iftixar, böyük qürur mənbəyidir.
AZƏRTAC xəbər verir ki, bu sözləri Əməkdar artist, müğənni Ramil Qasımov jurnalistlərə müsahibəsində deyib.
“Çox xoşbəxt ifaçıyam ki, yaradıcılığımda Arif müəllimlə birgə əməkdaşlığımız olub. 2018-ci il sentyabrın 13-də Rəşid Behbudov adına Mahnı Teatrında onun mahnılarından ibarət konsert proqramı təşkil edilmişdi. Konsertdə Arif Məlikov özü də iştirak elədi və sonda ürək sözlərini bildirdi. Bu gün Milli Aviasiya Akademiyasında təşkil olunmuş bu gecə də heç də təsadüfi deyil. Çünki bildiyiniz kimi sabah Arif müəllimin 90 illik yubileyidir. Fürsətdən istifadə edib Milli Aviasiya Akademiyasının rəhbərliyinə təşəkkür edirəm”,- deyə Əməkdar artist bildirib.
Bölmənin digər xəbərləri
