Reabilitasiya mərkəzlərində qidalanmanın təşkili və qida təhlükəsizliyi ilə bağlı təlim keçirilib
Bakı, 26 iyun, AZƏRTAC
Qida Təhlükəsizliyi Agentliyi reabilitasiya mərkəzlərində qidalanmanın düzgün təşkil edilməsinə dəstək məqsədilə “Reabilitasiya mərkəzlərində qidalanmanın təşkili və qida təhlükəsizliyi sahəsində texniki normativ hüquqi aktların tələbləri” mövzusunda onlayn təlim keçirib.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, təlimdə Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyinin respublika üzrə fəaliyyət göstərən 11 reabilitasiya mərkəzinin, eləcə də struktur bölmə rəhbərləri də iştirak edib. Təlim çərçivəsində iştirakçılara bu sahədə mövcud yerli qanunvericiliyin, eləcə də qida təhlükəsizliyi sahəsində normativ hüquqi aktların tələbləri izah edilib, metodiki dəstək göstərilib.
Təlim iştirakçılarını maraqlandıran suallar cavablandırılıb.
Bölmənin digər xəbərləri
