Vatikan, 15 avqust, AZƏRTAC

Roma Katolik Kilsəsinin rəhbəri Papa Fransisk Qəzzada atəşkəsin və Yaxın Şərqdə tez bir zamanda sülhün əldə olunmasının vacibliyini qeyd edib.

AZƏRTAC xəbər verir ki, pontifik Qəzzadakı çox ciddi humanitar vəziyyəti narahatlıqla izlədiyini bildirib.

“Bütün tərəflərin atəşi dayandırmasını, girovların azad edilməsini, əziyyət çəkən və taqətdən düşmüş insanlara kömək göstərilməsini tələb edirəm. Hər kəsi münaqişənin genişlənməsinin qarşısını almaq üçün səy göstərməyə və bu faciəyə ən qısa zamanda son qoymaq üçün danışıqlar yolu ilə addım atmağa çağırıram. Unutmayaq ki, hər müharibə məğlubiyyətdir”, - deyə Roma Papası vurğulayıb.

Nihad Budaqov

AZƏRTAC-ın xüsusi müxbiri

Vatikan