“Rusiya-2018”in rəmzlərini canavar, pələng və pişik təşkil edəcək
Bakı, 12 fevral, AZƏRTAC
Münsiflər heyəti tərəfindən 2018-ci ildə Rusiyada keçiriləcək mundialın talismanı üzrə namizədlər təsdiqini tapıb.
AZƏRTAC Rusiya mətbuatına istinadla xəbər verir ki, müsabiqədə dünya çempionatının rəmzi kimi canavar, pələng və pişik seçilib. Məlumata görə, müsabiqənin birinci mərhələsinə on variant təqdim olunub. Final mərhələyə yalnız yuxarıda göstərilən heyvan nümunələri yüksəlib.
Hazırda təşkilatçılar hazırlanmış nümunələri təqdim etməkdən çəkinirlər. Çünki rəmzlərin intellektual mülkiyyət və qeydiyyat hüququ hələ ki, alınmayıb. Nümunələr artıq peşəkar dizaynerlərə təqdim edilib.
Bölmənin digər xəbərləri
