Rusiyada qaz hasilatı ötən il 11,8 faiz aşağı düşüb
Moskva, 10 yanvar, AZƏRTAC
Ötən ilin yekunlarına görə, Rusiyada qaz hasilatı 11,8 faiz aşağı düşərək 672 milyard kubmetr təşkil edib.
AZƏRTAC xəbər verir ki, bu, ilk növbədə, “Qazprom” dövlət şirkətinin Avropaya qaz ixracını azaltması səbəbindən baş verib. “Rostneft” və “NOVATEK” kimi özəl şirkətlər isə ötən il qaz hasilatını, müvafiq olaraq, 16 və 1,7 faiz artırıblar.
Ekspertlər bu il “Qazprom”un hasilatı, hətta “Sibir gücü” kəməri ilə Çinə ixrac edilən qaz da nəzərə alınmaqla, daha 30-40 faiz azaldacağını proqnozlaşdırırlar.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
