Rusiyanın Kemerovo vilayətində üç günlük matəm elan olunub
Moskva, 25 noyabr, AZƏRTAC
Rusiyanın Kemerovo vilayətində “Listvyajnaya” kömür mədənində baş verən qəza nəticəsində insan tələfatı ilə əlaqədar üç günlük matəm elan olunub.
AZƏRTAC xəbər verir ki, son məlumata görə, hadisə nəticəsində 11 nəfər həlak olub, 35 nəfərin taleyi məlum deyil.
Rusiya Prezidenti Vladimir Putin serbiyalı həmkarı Aleksandr Vuçiç ilə görüşündə bildirib ki, mədəndə vəziyyət yaxşılığa doğru dəyişmir, xilasedicilərin həyatı üçün təhlükə var. V.Putin qeyd edib ki, hazırda hadisə yerində lazımi qərarlar qəbul olunur. Dövlət başçısı daha çox insanı xilas etmək mümkün olacağına ümid bəslədiyini vurğulayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
