“Sabah” növbəti mövsüm üçün transfer çalışmalarını davam etdirir
Bakı, 7 iyun, AZƏRTAC
Növbəti mövsüm üçün transfer çalışmalarını davam etdirən “Sabah” heyətini yeni futbolçu ilə gücləndirib. Konqo əsilli fransalı futbolçu Kevin Kubemba bundan sonra komandanın uğurları üçün çalışacaq.
AZƏRTAC kluba istinadla xəbər verir ki, 26 yaşlı hücumçu ilə ikiillik müqavilə bağlanıb.
Karyerası ərzində Fransanın “Amyen”, “Lill”, “Brest”, “Bur-an Bress”, Belçikanın “Sent-Trüden”, Bolqarıstanın ÇSKA (Sofiya) komandalarının şərəfini qorumuş Kubemba son mövsümdə Azərbaycanın “Səbail” klubunda çıxış edib.
Hücumçu Konqo millisində 3 oyun keçirib.
Bölmənin digər xəbərləri
