Sabah yeniyetmə və gənc karateçilər arasında Avropa çempionatı start götürəcək
Bakı, 19 avqust, AZƏRTAC
Sabah Finlandiyanın Tampere şəhərində yeniyetmə və gənc karateçilər arasında Avropa çempionatı start götürəcək.
AZƏRTAC xəbər verir ki, Azərbaycan milli komandasının heyətində 14-15 yaşlı yeniyetmələr arasında 10 karateçi yer alıb. Səkkiz idmançımız 16-17 yaşlı gənclərin, daha 10 karateçimiz isə 18-21 yaşadək gənclərin yarışlarında mübarizə aparacaq.
Yeniyetmə və gənclərin 48-ci, 21 yaşadək gənclərin isə 13-cü Avropa çempionatında 45 ölkədən 1008 idmançı mübarizə aparacaq. Yarışlar avqustun 22-dək davam edəcək.
Bölmənin digər xəbərləri
