SAHİBKARLIĞIN İNKİŞAFINA HƏSR OLUNAN MÜŞAVİRƏ
Yevlaxda ölkəmizin Prezidentinin “Azərbaycan Respublikasında kiçik və orta sahibkarlığın inkişafının Dövlət Proqramının (2002-2005-ci illər) təsdiq edilməsi haqqında” 17 avqust 2002-ci il tarixli fərmanının müzakirəsinə həsr olunmuş seminar-müşavirə keçirilmişdir.
Rayon İcra Hakimiyyətindən AZƏRTAC-ın bölgə müxbirinə demişlər ki, tədbirdə yüzdən çox kiçik və orta sahibkar iştirak etmişdir.
Müşavirənin iştirakçıları qeyd etmişlər ki, möhtərəm Prezidentimizin imzaladığı bu fərman kiçik və orta sahibkarlığın inkişafına geniş imkanlar yaradır, sahibkarlıq fəaliyyətinin tənzimlənməsi sisteminin daha da təkmilləşdirilməsinə kömək edir.
Seminar-müşavirənin iştirakçıları lüzumsuz yoxlamaları ilə sahibkarlığın inkişafına mane olan strukturların ləğv edilməsini iş adamlarına dövlət qayğısının daha bir təzahürü kimi qiymətləndirmişlər.
Tədbirdə kiçik və orta sahibkarları maraqlandıran suallara cavablar verilmişdir.
Bölmənin digər xəbərləri
