Şamaxıda ağacəkmə aylığı keçirilir
Şamaxı, 2 dekabr (AZƏRTAC). Noyabrın ikinci ongünlüyündən başlayaraq Şamaxı şəhərində ağacəkmə aylığı keçirilir.
Rayon icra hakimiyyətindən AZƏRTAC-a bildirmişlər ki, aylıq ərzində 15 min ağac əkilməsi nəzərdə tutulmuşdur. İndiyədək ondan 4 mini əkilmişdir. Ağac tingləri Bakı-Şamaxı-Yevlax yolunun rayon ərazisindən keçən hissəsində, habelə N.Nərimanov küçəsində əkilir. Əkində əsasən sərv, çinar, qovaq, akasiya tinglərindən istifadə olunur.
Şəhər sakinləri ağacəkmə aylığında yüksək fəallıqla çalışırlar. Hər gün bu kampaniyada orta hesabla 500-600 nəfər iştirak edir. Keçirilən iməciliklərdə Azərbaycan Müəllimlər İnstitutunun Şamaxı filialının, humanitar kollecin, diaqnostika mərkəzinin, şəhərdəki ümumtəhsil məktəblərinin kollektivləri yüksək fəallıq göstərirlər.
Bölmənin digər xəbərləri
